Монгол улсын Засгийн газрын 2022 оны 07 дугаар сарын 05-ний өдрийн “2023-2025” оныг Монголд зочлох жил” болгон зарлах тухай 264 дүгээр тогтоолын хүрээнд өвлийн аялал жуулчлалын шинэ эвент бий болгох, хөгжүүлэх, үндэсний соёлын үнэт өв сангийн нэгэн хэсэг үндэсний харвааны төрөл зүйлүүдийг Монгол хүний бие бялдар оюун ухаан, ёс суртахууны төлөвшлийн хэрэглүүр болгон дэлгэрүүлэхийн зэрэгцээ улам бүр боловсронгуй болгоход наадмын зорилго оршиж байгаа юм.
“YERUU CUP” наадам 2024 оны 02 дугаар сарын 03-04-ний өдрүүдэд Сэлэнгэ аймгийн Ерөө сумын Тойромт нуур /сумын төвөөс 2000 метр зайд, төмөр замын өртөөний чанх хойно/-т зохион байгуулагдана.
Наадмын үеэр
– Монгол туургатны мөсөн сурын аварга шалгаруулах
тэмцээн, сонирхогчдын тэмцээн
– Мөсний шагайн сонирхогчдын тэмцээн тус тус зохион байгуулагдах гэж байна.